دو بھکاری

"دو بھکاری"
ابھی تک میں نہیں بھولا
وہ بوڑھے ہاتھ کہ جن پر
کئ صدیوں مشقت کے
نشاں اب بھی مقید تھے

ہزاروں بار وہ پُوریں
جلی معلوم ہوتی تھیں

اُن ہاتھوں پر لکیروں کے
 نشاں بالکل نہ دکھتے تھے
مگر یہ ہاتھ تو پھر بھی
دکھائی دے رہے تھے ہاں
بہت برسوں مشقت کی
گواہی دے رھے تھے ماں

وہ اپنے ہاتھ پھیلائے
یہی رہ رہ کے کہتی تھی
خُدا  کے نام پر دے دو
خُدا تمکو خوشی دے گا

مسلمانوں کی بستی میں
بہت سے لوگ ایسے تھے
یہی کہتے چلے جاتے
کرو معاف رے ماسی

یہ بڑھیا ایک چادر میں
سبھی سامان جینے کا
 پھٹے کپڑوں میں لپٹی
شہر کے اس بیچ بیٹھی تو
یہی احساس ہوتا تھا ...
تھکاوٹ سے بھری اس روح کا
ماتم نہیں ھوگا

کہ جلتی دھوپ میں اس کو
یہاں اس گرم موسم میں
بھلا وہ کون پاگل ہے
کہ جو اپنے اثاثے سے
کوئی بھی فالتو سکّہ
اِسے دینے یہاں آئے
گُزرنے والا جلدی میں
اِسے بھی دیکھتا جائے

میں اُس کے پاس پہنچا تو
کہا ماں تم ادھر آؤ
یہاں کچھ دیر چھاؤں میں
ذرا سی بات ہی کر لو
کوئی دُکھ تم بیاں کر لو
ذرا سا وقت حاصل ہے

مجھے بھی کچھ نہیں مِلنا
یہ ممکن ہے تمہاری داستاں کو بھی
میں آدھا چھوڑ کر جاؤں

وہ بولی پوچھتے کیا ہو

تمہیں میں کیا بتاؤں کہ
مجھے اِس زندگی نے کب,کہاں
کیسے گُزارہ ھے.........
مجھے زندہ نہیں رکھا
مجھے مارا ہی مارا ہے

کبھی ھم چار بہنیں تھیں
مگر نہ گھر مِلا ہم کو
نہ ھی صحرا کے کونے پر
کبھی کوئی مسرت کا
کہیں چولہا ھی جل پایا

تیری ماں نے جوانی میں بہت برتن بھی مانجھے ھیں
کہ
میرے ہاتھ کی روٹی کبھی بھی نہ جلی ھوگی.....

مگر یہ عمر ھے بیٹا
کہ اب چہرے کی جھریوں نے
مجھے بےخود بنا ڈالا

کمر پر آج بس میری بہت برسوں کے دکھ ہی ھیں ....
میں اب چل پھر نہیں سکتی

مجھے پندرہ برس پہلے اچانک میرے خاوند  نے
مجھے دو بیٹیاں دے کر
خیمے سے نکالا تھا

میری وہ بیٹیاں مجھ سے سنبھالی ہی نہ جاتی تھیں .....
تڑپ کر مر گئی ہیں وہ
 
سو میں  نے
بھوک کے لشکر کو اب تک پال رکھا ہے
میری بیٹی .....

کہا یہ ٹوک کر میں نے
کہ اب بس بھی کرو تم ماں
مجھے کچھ بھی نہیں سننا
مجھے تو خود خدا نے درد سننے نہیں کو بھیجا
فقط سہنے کو بھیجا ھے

کبھی اے کاش ایسا ہو
فلک پہ ٹہلتا سورج
ستاروں سے نہ کچھ بولے
نہ ان کی روشنی چھیننے
ستارے صبح ھوتے ہی
فلک کے ایک کونے پر
لگا کر ٹیک سو جائیں
ھمیں دن میں نظر آئیں
تو جب سورج چلا جائے
قطاروں میں ستارے سب
جگہ اپنی پہ آ جائیں

کیا کیا بولتے ھو تم  ......
بھلا یہ بھی کیا ممکن ھے
خدا کو کام ھیں کتنے
وہ ایسا کیونکر سوچے گا
مگر یہ بھی تو سمجھو تم
کہ اُس کے کام سارے ہی
سبھی سوچوں سے بالا ھیں

کہا پھر ٹوک کر اماں......
مجھے تم اب اجازت دو
مجھے اگلا سفر بھی ھے

بڑھا پھر ہاتھ بڑھیا کا
تو  اُس نے جیب میں میری
سبھی پیسے ھی رکھ ڈالے
جو اب تک مانگ لائی تھی

جواں معزور لڑکا اِک
یہ مجھ سے کہہ رہا تھا کل
 
ابھی تک میں نہیں بھولا
وہ بوڑھے ہاتھ کہ........
                     عاصم سلیم بٹ