KALULUWANG LIGAW

"Sumasabay sa takbo ng hangin,
Lumilipad sa kawalan ang isipan,
Balintataw at damdamin,
Sa alapaap ng siphayo at digmaan.

Kaluluwang ligaw ang tawag sa amin,
Naglalakbay sa hangin,
Naglalandas maski sa papawirin,
Lumilipad kasabay ng ihip ng hangin.

Kaluluwang ligaw yan ang totoo,
Sa lupa at dagat maski sa papawirin,
Nilalandas ng mga puso at isipan,
Alapaap ng papawirin at panaginip.

Sa bawat pagsikat ng araw at paglubog,
Ang bawat sigalot ay napaparam,
Nababawasan bawat hirap,
Sa ligaw na puso't isip ng mga kaluluwang ligaw.

Humahampas sa bawat bagay ang lunggati,
Papawirin at karimlan ang lamang ganap,
Nililimot mandin at tinatahak,
Landas na tinatahak ng pusong ganap."